Category Archives: 旅行

Supren grimpante Monton Shinnyû

Mi pasigis la tempon en unu varma tago tuj antaŭ vintro sur Monto Shinnyû en Urbeto Akiôta, Gubernio Hiroshima.

F2011_1127

Gorĝo Sandankyô

La akvo ĉiam ŝpruce ŝaŭmas kaj sonore plaŭdas.
Regas la grandioza pejzaĝo apud la padoj en Gorĝo Sandankyô, Urbeto Akiôta, Gubernio Hiroshima.

F2011_1120

Tra la kurso Yanashio-Michi de Iwami-Ginzan

Mi agrable piediris tra la kurso Yanashio-Michi de Iwami-Ginzan.  Tie regas arboj, kiuj kurtenis la ardan sunon, donis al mi mildan klimaton.

Vizite la ĉirkaŭejon de la lumturo

Grade venas la sono de ondoj, fiŝado-manioj marŝas gaje al la maro, proksime de Lumturo Uomachihana en la areo Kamate, Urbo Masuda, Gubernio Shimane. 

F2010_1212

Cele al la supro de Monto Daisen

La 6-a junio: Grimpante cele al la supro de Monto Daisen, mi ĝuis la freŝan verdon. 

La inaŭguro de Monto Daisen

La 5-a junio: Oni festis la inaŭguron de Monto Daisen en  Daisen-chô, Saihaku-gun, Gubernio Tottori. 

La feston partoprenis multe da la lokaj loĝantoj kaj vizitantaj turistoj, ĉiuj kun flamanta torĉo en la mano marŝis malsupren tra la aleo de Sanktejo Ôgamiyama

Floras la kamelioj

Floras la kamelioj Camellia japonica alte super iu monta pado. 

Vizite la sanktejon “Konpirasan”

Mi vizitis Sanktejon Kotohira “Konpirasan” en Urbeto Kotohira, Nakatado-Gun, Gubernio Kagawa. 

Tie 1 368 ŝtupoj da ŝtona ŝtuparo kondukis multajn vizitantojn al la tradiciaj haloj.  

Grimpante tra Ôdaigahara

Mi ĝuis la aŭtunan pejzaĝon, grimpante tra Ôdaigahara en Vilaĝo Kamikitayama, Urbeto Yoshino-gun, Gubernio Nara.

Bedaŭrinde nuntempe la arbaro en Ôdaigahara marŝas pli malprospera, ĝi degeneras en ebenejon sen arboj.

Tie iam troviĝis densa arbaro sur la tero kovrita de muskoj.  Sed la arbaro suferis de Tajfuno Vera ( 1959 ) ktp, falis ĝiaj multaj arboj.  Do oni elportis la falitajn arbojn.  Tio kaŭzis, ke sekiĝis la tero, baldaŭ kadukis la muskoj.  Anstataŭe la teron kovris la Poaceae-plantoj Bambusoideae-subfamiliaj Sasa nipponica, tiuj malhelpis arbojn ĝermi kaj kreski.  Kaj sin plimultigis la cervoj Cervus nippon, kiuj ĉefe mordis la Sasa-genrojn, ili mordis ankaŭ aliajn plantojn surface de la tero.  La arbaro ruiniĝas grade.

Iome for la ruino

Iome for la A-Bomb Dome, sidas ŝtona monumento antaŭ iu kuracejo laŭ la flanka strato en strata bruo. 

Ĝi indikas la punkton, super kie ĉ. 580 metrojn alta ekzistas la eksplodocentro de la atomobombo “Hypocenter”. 

La unua atomobombo estis uzita super ĉi tie en la historio de homaro je 08:15 en la 6a aŭgusto 1945. 

Najbare de la ruino

Najbare de la A-Bomb Dome, staras kvin-tavola ŝtona cenotafo por mobilizitaj studentoj en laboraj servoj.  Ili penis por subteni tiaman militan reĝimon, sed multaj mortis momente sub la atomobombado.

Vizite la ruinon en Urbo Hiroshima

Staras la atomobombita kupolo-domego “A-Bomb Dome” sub la blua ĉielo. 

La ruino sola komunikas al ni tiaman aspekton tuj post la bombado en Hiroshima. 

Pluvis en Urbo Hiroshima

Pluvis en Urbo Hiroshima. 

Mi vizitis kun miaj kolegoj la areon Kamiya-chô en Urbo Hiroshima, kaj spektis la filmon “Tsurugidake”. 

Tra Kurso Sennoyama de Iwami-Ginzan

Mi paŝis tra Kurso Sennoyama en la areo Iwami-Ginzan. 

Tie la vojon sufokas abundo da bambuoj.  Mi renkontis la multajn ruinojn de minejo-ŝaktoj. 

 

Monto Misen en Insulo Miyajima, Gubernio Hiroshima

Mi celis la supron de Monto Misen en Insulo Miyajima, Gubernio Hiroshima, trairante Kurson Ômoto: de Sanktejo Ômoto tra Monto Misen ĝis Parko Momijidani. 

La areo Insulo Miyajima estis klasifikita kiel Monda Hederaĵo, ankaŭ hodiaŭ abundas multaj turistoj.  Preter bruoj de turistoj en arbaron, subite la kurson regis silenteco kun freŝaj verdoj.  En la supro de Monto Misen, mi ree renkontis bruojn de turistoj, kiuj veturis per kablotramo. 

Monto Sambe

Pluvis en Urbo Ôda, Gubernio Shimane. 

Regas fagoj en la meza-alta parto de Monto Sambe.  Iliaj folioj ricevis pluveton, faligantaj suben ties gutojn al mia korpo grimpanta supren la monton. 

F2008_0907_102645_314_235

Supren grimpante Monton Azôji

Tiam nebulis sur la monto, post kiam pluvis en la antaŭa tago.
Laŭ la vojo, kuŝis la poaloj Bambusioideae-subfamilio Sasa palmata.F2008_0823_105750a

Tra la vojo de Iwami-Ginzan ( Argenti Fodina Hivami )

Mi vizitis per iu piedira klubo la turisman lokon: “Iwami-Ginzan” ( Arĝento-Minejo Iwami ), Monda Heredaĵo klasifikita en 2007.  Kaj mi paŝis kun la kolegoj tra Kurso Tomogaura, unu el la vojoj de Arĝento-Minejo Iwami. 

 

Sur la vojo, abundaj arboj okupis la aeron, velkaj folioj kovris la teronSed la vojo ne estas rafinita por turismo.  Ĝi kondukas parte tra pavimitaj pasejoj, ankaŭ en la terenon de loĝataj domoj.  Tio signifas, ke oni iam forgesis ĝian ekziston.  Mi povis ekkoni pri la vojo kun la longa historio. 

 

Apud la fina punkto de la vojo: Strando Kotogahama ĉirkaŭ la areo Tomogaura, kie situas unu scenejo el la filmo “Sands’ Chronicle”, mi tie ĝojis mane agrablan tuŝon de la fajnaj sableroj, piede strangajn sonojn el la fajfaj sableroj. 

F2008_0608_093928a